BO NADAL!!!

Xa non queda nada para a chegada das vacacións de nadal, por iso aquí vos deixo unha pequena felicitación de parte de todo o Departamento de Orientación. Esta vez foron os alumnos de 4 anos os que colaboraron na actividade.
BO NADAL E FELIZ ANINOVO!!

Saudiños**

ASÍ FOI O TRABALLO DO 1º TRIMESTRE.....

Case sen darnos conta estamos xa ás portas do Nadal. Ao longo do trimestre os nenos de 4 e 5 anos traballaron un montón nas clases de audición e linguaxe, aprenderon moito e como non, tamén o pasaron moi ben con Pepón e as súas historias.
Aquí vos deixo o seu traballo en imaxes, agardamos que vos guste.

Un saudiño**

3 DE DECEMBRO: DÍA INTERNACIONAL DAS PERSOAS CON DISCAPACIDADE

Hoxe é o Día Internacional das Persoas con Discapacidade e por iso propóñovos que  si tedes uns minutos os adiquedes a ver a curtometraxe "Cuerdas"  escrita e dirixida por Pedro Solís García.  

A película, repleta de matices, narra unha fermosa historia de amizade entre dous rapaces moi especiais pero tamén é unha obra que fala de valores e ilusións; no ano 2014 gañou o premio Goya como mellor curtometraxe de animación española.
Non vos defraudará.

Un saudiño**

CHEGOU O MAGOSTO

Para festexar a chegada do Magosto, os nenos de 5 anos A, ao igual que xa fixeran os seus compis polo Samaín,  realizaron nas clases de audición e linguaxe  un conto moi chulo que vos deixo aqui para que lle votedes un ollo e vexades o ben que traballaron e como se divertiron.

Un saudiño**

CHEGOU O SAMAÍN

Para festexar a chegada do Samaín, os nenos de 5 anos fixeron nas clases de audición e linguaxe  un conto moi gracioso que vos deixo aqui para que lle votedes un ollo e vexades canto traballan e como se divirten.

Un saudiño**

CONTO SAMAIN2015 from Departamento de orientación on Vimeo.

BENVIDOS AO NOVO CURSO 2015-2016

Pepón quere darvos a benvida a este novo curso 2015-2016, no que nos esperan moitas actividades, traballos, novidades, xogos, sorpresas...
Aquí vos deixa a súa particular benvida.

Un saudiño**


STOP MOTION PEPON from Departamento de orientación on Vimeo.

CHEGAMOS AO FINAL.....

Chegamos xa ao final doutro curso..... e quero deixarvos aquí en imaxes todo o que traballaron os nosos pequenos nas clases de estimulación da linguaxe.... con todas estas fichas fixeron uns fermosos libriños que levaron para casa con moita ilusión e así compartilos coas familias.

Non nos queda máis que desexarvos dende o Departamento de Orientación do cole unhas estupendas vacacións a todos..... cargaremos ben as pilas para traballar o vindeiro curso polo menos tanto coma este que remata!!

Un saudiño**

Estes sons os traballos de 4 anos:

Estes son os traballos de 5 anos:

Durante este terceiro trimestre, nas clases de Estimulación da Linguaxe tamén quixemos aportar o noso gran de area no PDI de Infantil deste curso: "O NOSO HORTO VERTICAL".
Aproveitamos algunhas cousiñas que aprenderamos sobre as plantas aromáticas e a horta para traballar a articulación do "R", a respiración...
Aquí vos deixo un breve resumo do moito que traballamos e do ben que o pasamos, pero se queredes ver o traballo completo podedes visitar o blogue de infantil e tamén o da nosa biblio.

Un saudiño**


A.L. from Departamento de orientación on Vimeo.

SEMANA DAS LETRAS GALEGAS

Que mellor para celebrar a semana das Letras Galegas que  un contiño en galego....

Así que puxémonos mans á obra, collimos as historias do Dragón Pepón que tanto nos gustan e este foi o resultado...... agardamos que pasedes un bo rato, porque nós puxemos moitas ganas e pasámolo moi ben.

Un saudiño**



A historia de Pepón from Departamento de orientación on Vimeo.

23 DE ABRIL: DÍA DO LIBRO

Como xa sabedes o 23 de abril celébrase o DÍA MUNDIAL DO LIBRO. En este día conmemórase a morte de tres grandes escritores da literatura universal: Miguel de Cervantes , William Shakespeare e Garcilaso de la Vega .

A celebración do día mundial do libro surdiu a partir dunha iniciativa da UNESCO  co  obxectivo de valorar os libros e os seus autores; busca estimular o gusto pola lectura, fomentar a industria editorial e a protección da propiedade intelectual.  Pouco a pouco foise ampliando  a celebración en diferentes países ao redor do mundo, dada a importancia da lectura para o desenvolvemento da cultura.

A continuación deixovos un documento con algúns consellos para fomentar a lectura.

Un saudiño**

FIN DO SEGUNDO TRIMESTRE

Sen a penas darnos conta chegamos xa ao final do segundo trimestre. Ao longo destes meses os nen@s de infantil traballaron un montón nas clases de estimulación da linguaxe.
A través de xogos con imaxes, sons, palabras....aprenderon moitas cousiñas e melloraron un montón a súa linguaxe.
Despois destas vacacións esperamos que volvan coas pilas ben cargadas para seguir traballando así de ben.

Aquí vos deixo un pequeno resumo dalgunhas das cousas que fixeron.

Que pasedes unhas boas vacacións.

Un saudiño**



2º trimestre from Departamento de orientación on Vimeo.

A succión dixital descríbese como un hábito común na infancia que se considera normal ata os 3 - 4 anos. Aínda que a maioría dos nenos que comezan a chuparse o polgar interrompen este costume cara aos  2 - 3 anos, nalgúns casos este hábito permanece ata os 6 - 12 anos. 

Os riscos asociados á succión do polgar dependen da frecuencia, intensidade, duración e posición do dedo na boca. Pero nos casos máis graves descríbense alteracións alvéolodentais asociadas a este hábito, incluindo maloclusións,  mordida aberta , mordida cruzada e deformacións faciais. 

A presenza deste hábito despois dos 4 años produce  cambios na tonicidade muscular de labios e bucinadores, retarda a súa maduración, dificulta a deglución normal provocando o que se coñece como deglución atípica, padal mais estreito e fendido, provocado pola presión do dedo sobre os dentes, o oso alveolar e o padal. Tamén pode afectar a outras funcións como a fonación, a respiración ou producir trastornos na linguaxe.

Outros problemas asociados a este hábito son a formación de callos, irritacións,  deformación do dedo... 

Correxir o hábito de succión do dedo no neno é unha tarefa difícil que conleva moita paciencia e esforzo por parte dos pais e especialistas. É importante destacar que non imos axudar ao neno a base de palabras fortes, castigos ou regaños, porque lexos de eliminalo, pódese reforzar a conducta e facela mais forte e marcada.

A continuación deixovos un video no que se aprecia perfectamente algunhas das alteracións que pode provocar unha succión do polgar prolongada no tempo.

Un saudiño**

DÍA INTERNACIONAL DO SÍNDROME DE ASPERGER

O síndrome de Asperger é un conxunto de problemas mentais e conductuais que forma parte dos trastornos do espectro autista. Enmarcase dentro dos trastornos xeneralizados do desenvolvemento . 

A persoa afectada amosa dificultades na interacción social e na comunicación con gravedade variable, os afectados por este síndrome teñen intereses en áreas que soen ser moi restrinxidas e en moitos casos estereotípicas.

Estas persoas teñen un aspecto e intelixencia normal ou incluso superior á media 

¿Sabíades que?..... no ano 2006 foi declarado o "Ano Internacional do 
Síndrome de Asperger" porque cumplíase o centenario do nacemento de
Hans  Asperger e o vixesimoquinto aniversario de que a psiquiatra Lorna Wing dera a coñecer internacionalmente o trastorno.
A partir do ano 2007 o 18 de febreiro foi declarado o Día Internacional do Asperger en recordo do nacemento do Dr Asperger.

OS PICTOGRAMAS

Aquí estamos xa de volta coas pilas cargadas!!
Hoxe vou falar dos pictogramas.
Moitos de vós preguntaredes: que é un pictograma?

E velaí vai unha sinxela definición: 

Un pictograma é un signo claro e esquemático que representa un obxecto real, figura ou concepto. Sintetiza unha mensaxe que pode sinalar ou informar sobrepasando a barreira das linguas.  

Podemos atopalos en moitos contextos da vida diaria e aportan información útil coñecida por todos: 

 

Os pictogramas ademais son recursos de comunicación de carácter visual que serven, entre outras cousas, para facilitar a comunicación de necesidades ou estimular a expresión no caso de que existan carencias sensoriais, cognitivas ou ben un coñecemento insuficiente da lingua de comunicación. Por esta razón, os pictogramas constitúen un recurso capaz de adaptarse a diversos propósitos comunicativos na ensinanza que se desenvolve en contextos de diversidade.

Ademais de usar outro canal sensorial, a vista, unha das súas maiores vantaxes é que non son efímeros, como as mensaxes faladas ou signadas, senon  que permanecen no tempo e no espazo, permitindo a calquera acceder a eles en todo momento.

Os pictogramas son PERCEPTIBLES, SIMPLES e PERMANENTES. Estas cualidades son de gran axuda para calquera, pois todos necesitamos claves que nos axuden a entender o mundo e “ordealo” na nosa mente, pero  especialmente para os alumnos con dificultades de atención, memoria, linguaxe e trastornos xeneralizados do desenvolvemento.

“Ofrecerles ilustraciones es ampliarles fronteras, darles un nuevo mundo lleno de posibilidades, lleno de sensaciones que podemos extrapolar a otras facetas del aprendizaje” (Amparo Ruiz Espinosa). 


Aquí vos deixo un exemplo do útiles que poden ser os pictogramas!!


Un saudiño**