O
coronavirus é unha realidade que lamentablemente a día de hoxe aféctanos a
todos e os rapaces/as non son unha
excepción. É un tema importante e os nenos agradecerán saber que está pasando. Falar
con eles sobre o tema é un exercicio de
responsabilidade, pero sobre todo unha maneira de informalos e que comprendan
mellor a situación.
Aquí vos
deixo o enlace a un vídeo que pode servir de moita axuda:
Tamén son importantes as
rutinas, manter as súas rutinas diarias sempre dentro das posibilidades da
familia, debería ser unha das primeiras medidas necesarias para todos. Sobre
todo agora que o cole permanecerá pechado, non sabemos durante canto tempo. Podedes empezar por programar os días cun
horario regular que vai a depender sempre claro está da situación laboral de
cada pai, nai, avó...
E como non ... tan importante,
sobre todo nos máis cativos, a evolución da linguaxe. Como ben sabedes ao longo
do curso cos nenos/as de 4 e 5 anos realizabamos unha vez á semana unha sesión
de estimulación da linguaxe para desenvolver o P.E.L.O (programa de
estimulación da linguaxe oral). Nelas como xa vos comentamos ao inicio do curso
traballamos dunha maneira directa os diferentes aspectos que se engloban na comunicación
e na linguaxe pero sempre dunha forma lúdica, entretida... con xogos, fichas, vídeos...
Déixovos uns enlaces que poden
darvos ideas de como xogar con eles á vez que mantemos e melloramos o traballo
realizado durante o curso. Dunha maneira xeral propóñovos traballar un ratiño
cada día os diferentes aspectos da linguaxe:
Tampouco debemos esquecernos do
exercicio físico, nestes momentos nos que estamos na casa, abusar do
sedentarismo sería máis prexudicial ca nunca sobre todo para os peques. Hai
tempo para todo a tele e a tablet tamén teñen cabida non son excluíntes,
lembrade que o profe Ramón propuxo un montón de rutinas para non perder o
ritmo!!!
Un saudiño** e moito ánimo!!
No hay comentarios:
Publicar un comentario