Día do mestre

Hoxe 27 de novembro celebramos o DÍA DO MESTRE. En España celebramos este día na honra de San José de Calasanz, un sacerdote e pedagogo considerado como o precursor da educación moderna. Foi un firme defensor da ensinanza gratuíta universal e un dos primeiros mestres en expor a formación profesional, tamén loitou porque en cada país utilizaran a lingua nacional ademais do latín.

                                                   

     

DÍA DAS BIBLIOTECAS

Iniciamos a andaina do blogue neste curso 19-20, adicándollo a unha data moi significativa para todos os coles O Día Das Bibliotecas!!!
 Nesta ocasión foron @s alumn@s de 5º de E.I os que nos deixan claro porque lles gusta ir á nosa biblio, aquí tedes as súas respostas:

DÍA DAS BIBLIOS from Audición y lenguaje on Vimeo.

ESTIMULACIÓN DA LINGUAXE NO DÍA DO LIBRO

Durante a semana de festexos polo Día do Libro, nas clases de estimulación da linguaxe co alumnado de 6º de E.Infantil propuxemos unha actividade para, por un lado deixar voar a súa creatividade decorando o seu libro favorito, e polo outro aproveitar para contarlle aos seus compañeiros e compañeiras cales eran eses libros e así potenciar a expresión oral e a interacción.

Velaí tedes os resultados!!

TRABALLANDO COA LINGUAXE

NUN ABRIR E PECHAR DE OLLOS XA VAI ALÁ MEDIO CURSO E NON QUERÍA DEIXAR PASAR MÁIS TEMPO SER AMOSARVOS O BEN QUE TRABALLAN OS/AS NOS@S NENOS/AS NAS CLASES DE ESTIMULACIÓN DA LINGUAXE!! ENTRE CONTO E CONTO DA NOSA MASCOTA PEPÓN, XOGAMOS COAS PALABRAS, IDENTIFICAMOS SONS...

 

Xoguetes para a igualdade

Este ano a Secretaría Xeral de Igualdade puxo en marcha unha campaña de nadal : " Xoguetes para a igualdade" dirixida tanto á sociedade en xeral como á comunidade educativa en particular.

Dende o centro unímonos a esta campaña non so neste nadal senon a diario, tentando promover a igualdade entre nenos e nenas, transmitindo ao alumnado valores baseados na igualdade, sen estereotipos sexistas, sendo esta educación fundamental á hora de erradicar a violencia de xénero.
Algúns exemplos son a participación no certame de debuxo "EuTomoParte" que podedes ver no seguinte enlace:
http://terceirociclocordoboullosa.blogspot.com/2018/11/non-violencia-de-xenero.html

Ou as actividades o 25 de novembro "Día internacional contra a violencia de xénero":
http://curicuxa.blogspot.com/2018/11/neste-cole-damos-cara-contra-violencia.html


A través de esta campaña preténdese recalcar que:
- Non hai xoguetes de nenas  nenos.
- Non hai cores de nenas e nenos.
- Se escollan xoguetes que favorezan as relacións igualitarias e colaboradoras entre nenas e nenos.
- Se elixan xoguetes que reflictan a diversidade de cada persoa.
- Ter claro que os xogos e os xoguetes educan.
- Se intente que os xoguetes favorezan a igualdade na participación.
- Xunten nenas e nenos cooperando e compartindo espazos.
- Axuden a promover as capacidades e habilidades persoais.
- A importancia de que os xoguetes sexan supervidados por adultos.

Un saudiño**

e

BO NADAL!!!!!

HOXE 3 DE DECEMBRO...

O 3 de decembro foi a data adoptada polo movemento asociativo das persoas con discapacidade e dos seus familiares en todo o mundo para reivindicar dereitos, calidade de vida e condicións de desenvolvemento social acordes coa dignidade das persoas coa discapacidade.

             

Recomendacións...

Esta semana tivemos no cole unha recomendación que nos gustaría compartir con vós.
Déixovos aquí a portada do libro que pode ser útil para moitas familias de alumnos/as con autismo, unha guía sinxela que pode axudar a resolver dúbidas e inquedanzas coas que se atopan moitas das familias cando lles comunican que o seu fillo/a ten autismo.


Un saudiño**